الحياة للحياة ..

اللى لية فى الدنيا ذكرى لابد يوم هيعيش لها

اللى لية فى الدنيا فكرة يفدى نفسة لحلهـــا

اللى لية حلوة وصبية يفدى روحة لجلهــــــــا

واللى قال لاء مش شوية الله بكرة يحلهــــــا

دى الحياة للحياة

***

ياللى بتقرب قلوب العطشانين لبعضهــــــــــا

اللى دايبة ياعينى دوب واللى مغلوب امرهـا

غنوتك فوق الدروب مش هتدبل عمرهـــــــا

كلمة الحب اللى باقية من قلوب لبعضهــــــا


***

لو تدق الدنيا بابك بالمحبة افتحلهــــــــــــــا

وانسى كل اللى جرالك منها يوم واضحكلها

فين هتاخد منها قولى خير عسلها ومرهــا

دى القلوب الصابرة ربك راح يعوض صبرهــا

دى الحياة للحياة